علموا أولادكم ..... آداب الزياره .

 

...................................................................................................

.. علموا أولادكم ..... آداب الزياره ..

.. علم إبنك إنه لو معزوم عند حد مايروحش بإيده فاضيه

.. ومايخدش معاه شخص متعزمش

.. ويروح في ميعادة .. لا بدري ولا متأخر ..

.. وإنه يخبط وياخد جنب "يمينه او شماله" المهم مايقفش في وش الباب

.. ويأكل الموجود من غير ما يطلب أصناف مش موجودة حتي ولو مخلل

....ومايختارش المكان اللي يقعد فيه .. ولكن يقعد مطرح ماصاحب البيت يقعده

.. لأن كل واحد أدري بخصوصياته

..ولو مش عاجبه حاجة في الأكل مايقولش .. ويأكل من اللي عاجبه بس

.ومايقومش يغسل أيده غير لو صاحب البيت أذن له

.. واما يغسل يتأكد إنه نضف الحوض وراه وماسبش أي بواقي أكل

.. ويفرد الفوطة بعد ما ينشف بيها

.. ويمشي موطي ومايبصش علي تفاصيل الشقة اللي دخلها

.. ولو معزوم مع حد وقام يغسل زيه مايقعدش مكان اللي قام

.. ولو هيصلوا في البيت إبنك مايصليش إمام إلا لو صاحب البيت طلب منه ده

.. ولو دخل ولقي ناس بتتكلم في موضوع من الأدب إنه مايغيرش فجأه

الموضوع اللي بيتكلموا فيه .. ولا يقطع كلام أحد ويتكلم هو .. لأن ده بيقلل من إحترامه

..وإنه يستأذن قبل مايمشي .. ولو صاحب البيت صمم يقعده يقعد ويجبر بخاطره

..ولو هيخرج يعلي صوته وهو خارج عشان اهل البيت يستعدوا لخروجه

.. ويدعي لصاحب البيت وهو خارج بالبركة والسعة

.. ولو قابل الأم أو الزوجة ضروري يشكرها ويمدح في أكلها وكرمها ..