لما كان للفن هدف ومعنى .......
............................................
النقص ... ده هرمون جينى وشعور متراكم مش متعلق بنقص فى النواحى الدنيوية أو المادية لأن ملهوش حدود للإشباع شراهته بتزيد كلما زاد التملك ....أكتر ما هو متعلق بالتركيبة النفسية والجينية للكائن ...إحساسك بالنقص يخليك ناقم على كل حاجة ناجحه أو فاشلة لأن النقص هرمون عدوانى مرتبط إرتباط وثيق بتركيبة الإنسان النفسية ويخليك على طول فى حالة هجوم شرس ودائم
........................................................................
تخيل النقص الكره والحقد اللى جواك
يخليك تعمل أى حاجه عشان تأذى اللى بتكرهه
الرائع اسماعيل يس .. لخص القصة دى فى فيلمه
......
#اسماعيل_يس_بوليس_حربى
.............
لما إسماعيل ياسين
حط الزبالة فى حلة مية وسخة وشالها ورايح يرميها ..
والشاويش عطية شافه شايل الحلة وماشى
ف اتهمه إنه سارق الشوربة ..
إسماعيل ياسين حلف له انها مية وسخة
لكن الشاويش عطية مصدقش
وجاب العسكري مجانص
وطلب منه إنه يدوق ويشوف هى شوربة ولا مية وسخة ..
فالعسكري مجانص عشان كان بيكره العسكري إسماعيل
شرب وقال عليها شوربة ..!!
إسماعيل أستغرب وحلف إنها مية وسخة..
فالشاويش عطية
قال لمجانص اشرب تانى عشان إسماعيل مش مصدق ..
فمجانص شرب تانى وقال دى شوربة ..
و بعدها الشاويش عطية
حب يتأكد وشرب بنفسه وعرف إنها مية وسخة ..!!
................................................................................
مجانص شرب مرتين مية وسخة..
وكان مستعد يشرب المية الوسخة كلها علشان الكره والظلم والحقد اللى جواه مخليه عنده استعداد يعمل اى حاجة ..
يشهد زور .. يحكى حكاية من خياله .. يشوه صورة حد قدام الناس .. ياخد الحكاية ويضيف عليها من عنده .. يخوض فى الأعراض ......
وفى الآخر الحقيقة بتتعرف ..
كل المجانص اللي فى حياتنا
( مرضى النفوس اللى إتملت حقد وغل وكره )
.... مش هاينوبهم إلا إنهم هيشربوا المية الوسخة