ذكريات جيل ...... مقبل على الإنقراض

 

.......................................................................................................................................................................

ذكريات جيل ...... مقبل على الإنقراض .......

-نحن الجيل اللي كنا بنلبس زى موحد (المريلة ) واحنا رايحين المدرسة

-نحن الجيل اللي كان بيصرفولنا فى المدرسة وجبة فول أو جبنة أو طحنية كل يوم

-نحن الجيل اللي عملنا من (الأستك.. وشكاير السماد الفارغة ) شنط مدرسية

-نحن الجيل اللي كنا بنستأذن علشان نبري القلم برة الفصل ..

-نحن الجيل اللي كان بيخاف المدرس يشوفه وهو رايح يشترى من الدكان

-نحن الجيل اللي في عز الخناقة نقول : اوعي ترمي الشنطة دي فيها كتاب دين ..

-نحن الجيل اللي لما يلاقى (رغيف ) واقع على الأرض يوطى يبوسه ويحطه تحت الحيط

-نحن الجيل اللي درس عقلة الأصبع ورمضان العبور والمخبر الخاص

-نحن الجيل اللي كنا بنطلع لسانا علشان نعرف مين صايم ومين فاطر في رمضان

-نحن الجيل اللي كنا نستنى المغرب فى الشوارع نجرى ونشنكل بعض ونقول (يدن يدن )

-نحن الجيل اللي ياما بوظنا شرايط كاسيت علشان دوسنا علي الزرار الاحمر ..

-نحن الجيل اللي كان بيتفرج على أفلام ( أميتابتشان) فى العيد لمدة أربع ساعات وميملش

نحن الجيل اللي مكانش في غير قناتين اولي وتانية .. .. وبوجي وطمطم ..و هرقليز وزينا

-نحن الجيل اللي شوفنا التليفزيون وهو بيقفل ... ششششششش

-نحن الجيل اللي كان بيدوخ فى الشمس فوق سطح البيت عشان يظبط إريل التليفزيون

-نحن الجيل اللي ماكناش نعرف ان في حاجة اسمها سياسة .. غير يوم الجمعة في أنباء وأراء

-نحن الجيل اللي لو جاب مسمار من سكة القطر أهله يرجعوه بيه لأنه مال وقف يخرب البيت

-نحن الجيل اللي كانت مصايفها الترع والنيل وحنفية الجامع نستحمى فيها ونشرب منها

-نحن الجيل اللي استحمى فى طست وبستله ودورق ميه وليفة جريد النخل والصابونه زست

-نحن الجيل اللي شفنا القرموطي في سر الارض وكريمة مختار في اعلانات تنظيم الاسرة .

-نحن الجيل اللي شاف عبد السلام وهو بيدى ضهره للترعة وفاطمة عيد فى حسنين ومحمدين

-نحن الجيل اللي كنا بنشرب صاحبنا الرخم من غطا الزمزامية ...

-نحن الجيل اللي كان أقصى أحلامه طيارة بحجرين قلم يوم العيد ومسدس بينور لعبة

-نحن الجيل اللي كتب جوابات الحب , وشرايط الفيديو ,سينما الاطفال وعروستي

-نحن الجيل اللي كنا نستلف بصلتبن من الجيران ونبعتلهم طبق أكل كل ما نطبخ

-نحن الجيل اللي كنا بناخد جنيه جديد يوم العيد .ونفضل نصرف فيه مايخلصش .

-نحن الجيل اللي كان بيخاف لو حد قاله عيب .. وبيقول آسف لو غلط ..

-نحن الجيل اللي شاف شارع بيعمل كحك العيد مع بعضه وعيلة كاملة قاعدة تاكل مع بعضها .

-نحن الجيل اللي بتوع الشمعدان والسامبا وسنجام والكاراتيه ولايز والعسلية

-نحن الجيل اللي لبس كوتش اميجو اللي بينور والفانوس ابو شمعة والبيبس ابو ربع جنيه -نحن الجيل اللي شاهد النمر المقنع وكابتن ماجد صاحب اطول جون في التاريخ (3 حلقات).

-نحن الجيل اللي حضر التليفون ابو سلك , واخترنا لك , ونادي السينما وبانوراما فرنسية -نحن الجيل اللي سمع الشعراوي و مصطفي محمود وعالم البحار ومصارعة المحترفين

-نحن الجيل اللي عاصرنا قرنين وحضرنا الالفية ..

-نحن الجيل اللي كانت لمته تفرح , وفرحته طالعة من القلب

-نحن الجيل اللى تربى على الفطرة والعفة وبنت الجيران اختك

-نحن الجيل اللي إتربى على ترك الصلاة كفر واللى يفطر فى رمضان فاجر