كان في طفل أيام النبي عنده عصفور ،الطفل ده أخو أنس بن مالك ، أنس بيحكي إن النبي لما كان بيزورهم كان بيسأل الطفل عن العصفور بتاعه . لما العصفور مات ، عدى النبي عليهم و شاف الطفل حزين ، فسأل عن سبب حزنه ، قالوا له إن العصفور مات . فقال النبي للطفل : يا أبا عُمير ما فعل النُّغير ؟!
" أبا عمير هو الطفل ، النغير يعني العصفور الصغير" .بدأ الطفل يحكي للنبي ازاي العصفور مات و النبي سامعو بيواسيه
إحنا قدام راجل كان شايل جبال هموم و مسؤليات ،عليه رسالة لازم يأديها ، عنده مهمة كبيرة ، شايل هم أمة كاملة و قعد يسمع طفل بيحكي تفاصيل موت عصفور كان مربيه . أنس بن مالك و هو بيحكي القصة قال في بدايتها " كان النبي ـ صلى الله عليه وسلم ـ أحسن الناس خُلقًا " .أحنا بقينا في زمن الناس بتشوف بعض شايلة همومو محدش بيسأل عن التاني و لو حد سأل و عرف إن فلان مهموم يفضل يعلي عليه بدل ما يطيب خاطره . في ناس ليها أصحاب و برضه مش لاقية اللي يهون عليها ، و اللي ليه أخوات و مش لاقي السند . الناس بقت حزينة و ماحدش بيسأل عن حد .. الا منرحم ربي طبعا و من رحمهم ربي جعل في قلبوهم رحمة كرحمة الرسول بأبي عمير ، كرحمة أحسن الناس خُلقًا .لما تلاقي حد حزين ما تطنش علشان لما نقف قدام النبي اللي كان مهتم بطفل حزين ما ينفعش يلاقي إن أمته بقى فيها الجاحد و الندل و الأناني و القاسي