.....................وتريااااااااااااااااات ...................
........................... قلة الحيلة ...................
عارف .... يعنى إيه.... مش عارف ....دى أسوأحالة ممكن تمر بيها
لأنك فجأ تتوقف عن كل شئ وتزهد فى كل حاجة ولو حد سألك مالك تقول له "مش عارف"
مش عارف إزاى وصلت للحالة دى .... وإمتى وصلت ليها .. مش عارف انت بخير ولا لأ،
مش عارف تفكر، مش عايز تجاوب على أي سؤال، مش عايز تدخل فى أى حوار
مش عارف هتاخد اللي انت عايزُه امتى، ولا هتبقى مرضى إمتى
مش عارف هتتنصف في اختيارتك في يوم من الأيام ولا كالعادة،
مش عارف حظك ماله، معتقل جوا نفسك كل شئ قدامك مش عارف تستفيد منه
مش عارف امتى هترجع كويس وتنتهي الفترة الغريبة دي،
مش عارف ليه مخك توقف عن التفكير .. بقيت مركب عايمة مطرح ما الريح توديها تمشى ،
مش عارف انت ليه أصلا بقيت خايف ! إحساس مؤذي ومخليك مش عايز حاجة
غير إنك تختفي، لكن انت مُجبر تظهر وتكمل لأن مفيش حاجه هتُقف عشانك ..
كل شئ بيتغير ويتحرك حوليك إلا إنت واقف وبإرادتك رغم الوسع اللى حوليك إنت شايفه خرم إبره بتلف وتدور حولين نفسك .... فى حرب جواك ومعارك مش متوقفة ... فى كلاب فى مخك بتعوى ومحدش سمعها ... فى سجن إنفرادى اعتقلت فيه نفسك .... مش عارف إنت عايز إيه ونفسك محدش يسألك إنت عايز إيه ..... دى أسوء حالة ممكن يمر بيها إنسان حالة (مش عارف ) ... حتى وإنت مش عاف لازم تكمل