أنزل يا مه

......................................................

أنزل يا مه بكره هكمل تسعة شهور

استنه يابنى شويه عليا

إخواتك نزلين التحرير

شباب زى الورد طالبين تغير

ربنا كرمهم وخلعوا الظالم والدلاديل
.........................................

 انزل يامه انا كملت تسع شهور
 

استنه يا بنى شويه عليه

ده مفيش مستشفى فيها سرير

اللى انصاب واللى استشهد

ده الرصاص والغاز عامل تأثير
...........................................

انزل يامه 

يا بنى سيب اجنابى  والمصارين

ده العسكر مالى الميادين

مش ناوين تغير  

قالوا هنحمى الثورة  والثايرين
.............................................

انزل يامه 

يابنى استنه شويه عليه

فى خناقه فى محمد محمود

وماسبيرو وبور سعيد

والداخلية ورئاسة الوزره

واللى مات من الشباب كتير

والفاعل مجهول لهوا كبير 
.............................................

انزل يامه 

لسه شويه يا ضنايه

اخوك نزل وقال راجع

ونحن مستنين

واختك خطفوها المطاريد

والعربية انسرقت  وابوك خدوه العسكر

وبيحكموه  مسكوه فى التحرير 
...................................................

انزل يامه 

استنى شويه على

البلد لا فيها رئيس ولا برلمان يحكم

ولا شافولنا دستور من الدساتير 
................................................

ليه يامه 

الإخوان بلعوا الكعكه

 وهزوا الوسط للمشير

واللبيراليين هاتك يا شتيم

دول بيقول متأسلمين

ودول بيقولوا كافرين

خناقة كبير ياولدى

نسيوا همومنا وضيعوا قوتنا

وبالشعارات يدوب نازلين
.................................................

تعبت انزل يامه 

لما يقرر حزب الكتره

ولما تبارك ليه القلة

خليك يابنى شويه 

انت غاوى تكدير
.............................................

انزل يامه 

تنزل فين وتروح فين

بقلك يابنى ملكش مصير

 انا نازله معاك  التحرير

و يتكتبلنا

 أجر شهيد