قصة من ......... يرويها أهل الفن

 

قصة من ......... يرويها أهل الفن

ده الفنان الرائع والمفكر المبدع .. أطلق عليه أبو الأبطال ( السيد بدير )اللى كنت لما تشوفه فى دور عبد الموجود إبن كبير الرحيميه قبلى تضحك

الفنان الرائع ده منسى ومشفناش أنه إتكرم بعد وفاته ولا إتعمله جائزة بإسمة ولا شارع ولا كوبرى .. شفنه بس العرايا فى مهرجان الجونه واللى مصوا دم مصر

الرائع ده ده ألف وأخرج أعظم الأفلام السينمائية كل ده عرفينه

وعمل برامج فى الإذاعة غيرت فكر الناس وثقافتها وده برضه عرفينه

بس اللى منعرفهوش أنه أطلق عليه لقب (أبو الأبطال )

إبنه الطيار / السيد سيد بدير اللى أستشهد فى حرب أكتوبر 1973

الطيار ده تبقى أمه شريفه فاضل (زوجة السيد بدير ) وهى اللى غنتله أغنية (أنا أم البطل ) اللى هزت مصر ساعة عرضها لما وقفت شريفة فاضل فى نص الأغنية وبكت ومقدرتش تكمل لكنها تحاملت على نفسها وكملت الأغنية على المسرح .. ده الحب الحقيقى للبلد

وإبنه العالم المصرى / السعيد سيد بدير اللى إغتالته الموساد الإسرائيلى

لأنه رفض العمل فى ألمانيا فهدده الموساد الإسرائيلى بالقتل فرجعته الحكومه المصرية

وخصوصا إن
مجال شغله كانت السيطره ع الأقمار الصناعيه عن بعد والتحكم فيها وده ال كان هيوصل مصر للسيطره على مجالها الفضائي والتحكم في اي اقمار صناعيه معاديه ورجع مصر

لكن للأسف وصل له الموساد ورموه من بلكونة شقته في اسكندريه عشان تظهر انها عملية انتحار
.............................................................................................................
دول فنانين مصر وهى دى القوة الناعمة الحقيقية وهى دى مصر لما كانت مصر وهو ده الفن لما كان فن

السيد بدير مبعتش ولاده يعيشوا بره يشربوا ويفسدوا وتتمسك عليهم سيديهات وأفلام مصوره

السيد بدير مبعتش ولاده بره يدمنوا المخدرات ويقتلوا ويتم التستر عليهم

السيد بدير محولش أرصدته بره وممتلكاته .. بالعكس ساهم هو بفنه وولاده بعلمهم ..وقدمو أرواحهم قربان للوطن

السيد بدير مطلعلهوش باسبور امريكانى ( ولا باسبور أوربى )وحطه فى جيبه عشان لوحصل حاجه فى البلد يركب طيارته ... ويكمل خيانته

السيد بدير مقلش أنا نمبر ون ولا إتصور بسنجه ولاغنى أغانى شواز ولا راح إتصور مع الصHاينه

السيد بدير وأنت بتتفرج عليه متعرفش غير أنه ممثل كوميدى دور تانى أو تالت

ولما تدور وراه تلقيه صفحة من صفحات تاريخ مصر هو وأولاده الأتنين ... اللى قTلتهم

إسرائيل زى ما قTلت غيرهم كتير من فلذات أكبادنا وصفوة علمائنا وقادتنا ..وحسرتنا عليهم

عشان كده الشعب العربى الوحيد اللى متكيفش مع الtطبيع مع إسرائيل ولا إترمى فى حضنها

هو الشعب المصرى وسابوا الأنظمة تتكيف مع الوضع العام وتكيفه هم مع وضعهم الخاص

رحمة الله على السيد بدير وأبنائه الشهداء وكل شهداء مصر

دمتم بخير يا ساده