محمد بن عبدالله (ابن عروس ) ....... قنا بلد العظماء
..........................................................................
معندكش ثقة فى نفسك ولا بيئتك اللى تربيت فيها ....
مش إنت كنت لما تسافر القاهرة لازم تلبس بنطلون وقميص ومتسفرش بالجلابيه عشان
ميعرفوش انك صعيدى ....
مش أنت لو ركبت القطر بالجلابيه كان الكمسارى يستخف بيك وممكن يتنمر عليك عشان انت صعيدى وانت كل اللى تعمله تضحك زى اللى عامل عمله ...
مش إنت لو وقفت قدام مصلحة بالجلابيه يأخروك وميهتموش بيك ....
عارف ليه عشان مش قارى تاريخك ولا عارف عظمائك .. بس جدودك مكنوش كده لأنهم كانو فخورين بأصلهم ولبسهم
..................................................................
أنا جيبلك رائد من الرواد وخالد من العظماء .... والكبير والصغير من اسكندرية لأسوان بيرددوا اللى قاله
شعره كده زى الطلاسم كل ما تقراه تكتشف جديد .........
كلنا سمعنا ( على الحجار) وهو بيغنى فى مسلسل ذئاب الجبل ...
ولابد من يوم معلوم .. تترد فيه المظالم .. أبيض على كل مظلوم .. أسود على كل ظالم ...
الأغنية دى كانت سبب رئيسى فى جذب الناس للمسلسل ومتابعته ...
ومحدش سأل مين مؤلف الأغنية دى ولا مين كاتبها ...
.............................................................................................
تخيل اللى كتب الكلمات دى شاب عمره 30 سنة من قنا وتحديدا من قوص من قرية اسمها (مزانة ) اسمه ( محمد بن عبد الله ) ولقب ( بابن عروس )
مجرم لص وحرامى وقاطع طريق وقتال قتلا بدأها لصاً وقاطع طريق، لينتهي
شاعراً وفيلسوفاً تتناقل الأجيال حكمه المختزلة في صورة أبيات رباعية الشطرات.
بدأ حياته كقاطع طريق يسترزق من ذراعه التي يبطش بها، ويسطو على القبائل المارّة مع عصابته، ويشكل رُعباً للحكومة المملوكية التي كانت قد ضيّقت على الشعب، فاستهدفها «ابن عروس»، كما استهدف الأغنياء البخلاء الذين تغافلوا عن الشعب الجائع.
...........................................................................................
استنى بس مش كده بس تخيل ان ( الشاعر محمد بن عبدالله ) حتى بلوغه الثلاثين من عُمره لم يكُن يعلم أنه على موعد مع التاريخ و أن التاريخ سيذكره بـ (ابن عروس )
.........................................................................................
ايه قصة ( ابن عروس ) دى
سُمي الشاعر الكبير ابن قنا ( محمد بن عبد الله ) بابن عروس بهذا الاسم
نسبةً إلى «عروس الهودج»،
وهي الفتاة التي فُتن بها، فغيّرت حياته، ففي إحدى المرات كان فى غارة على قافلة
كان فيها «عروس» مُبهرة الجمال، وقع هو في غرامها، وطلبها للزواج، ولكن الفتاة
اشترطت أن يتوب عن السرقة والترويع وقطع الطرق، وألقت عليه أبيات من الشعر الرباعية
«مُربعاً» عن الأمانة والصدق، فتاب كما اشترطت عليه
لا توجد رواية مؤكدة عمّا إذا كان ابن عروس قد أكمل حياته برفقة العروس التي سباها أو أنه
قد تركها لحال سبيلها، لكن المؤكد أنها قد ألهمته فناً صعيدياً خالصاً،
..........................................................................................
معظم شعراء العامية بتسرق شعرة وتزيد وتنقص فيه وتنسبه لنفسها وناس كتير اشتهرت على حسابه
لدرجة ان عبد الرحمن الأبنودى أنكر وجود شاعر فى الصعيد إسمه (محمد بن عبد الله ) الشهير بإبن عروس وقال دى شخصية وهمية ومفيش حد عندنا فى الصعيد بالمستوى ده ولا بالاسم ده
لكن المفاجأة فجرها الكاتب الكبيرمسعود شومان مُعتمداً على مخطوط بدار الكتب المصرية
بعنوان «ديوان ابن عروس»، وبحث ميداني مسح فيه عدد من الروايات الشفهية، وأثبت
بالوثائق قصة ابن عروس وانه هو الشاعر الحكيم (محمد بن عبدالله وانه من مدينة... قوص ... بمحافظة قنا .) ده مش كده بس ده حدد قريته اللى اتولد فيها واسمها قرية ( مزانة )
ويقول الكاتب خيري شلبي عن ابن عروس
«ابن عروسنا» إذ يعتز بمصريته هو، ويري أن أمثاله يصل عند الشعوب البدائية إلي مرتبة الأنبياء أصحاب العقائد؛ لأنهم يجدون في شعره الإجابات الحكيمة لكُل ما في صدورهم من تساؤلات.
وسمى شعره بالمربعات لأن القصيده لا تزيد على أربع (شطور) أبيات ... البيت الاول والتالت
قافية واحدة ..... والبيت الثانى والرابع قافية مختلفة
بعض مربعات ابن عروس
..........................................................................................................................
أوعى تقول للندل يا عم
وإن كان على السرج راكب
ولا حد خالي من الهم
حتى قلوع المراكب
................................................................................
مسكين من يطبخ الفاس
ويريد مرق من حديده
مسكين من يعاشر ناس
ويريد من لايريده
.............................................................................................................................
أنا باوحّد اللي خلق الناس
خلق مسلمين ونصارى
وناس نايمة على فرش وكناس
وناس ع المعايش حيارى
..............................................................................................................
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
...............................................................................................................
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا
...................................................................................................
ياللي بتنده عايز مين؟
خولي الجنينة عبي تاني
معايا جرح من مدة و سنين
من لؤم العزول عبى تاني
.........................................................................................................
فيه سوق في جسمي شاغلني
وفيه زي ما أنت طالب
وناس تبكي وناس تغني
مغلوب يضحك لغالب
.................................................................................................
ماحد اتغلب كيف غلبي
وغلبك في جوفي هراني
مجابو المحاوير صلبي
تقدم خصيمي وكواني
...............................................................................................
اه من الغروره وميت اه
راميه علينا الرزيه
الرقص ابد متنساه
لوحتتا تابت الغزيه
...........................................
دمتم بخير يا سادة