الخبر ده إتنشر فى مواقع كثير
الخبر بيقول
بعد دفنه وقالت بصوت عال أمام كل الحاضرين:
اللهم إن هذا بين يديك الآن ، وأنت أيضا عدل وملك ،
أرجو منك أن تحرمه من رحمتك لأنه حرمني. من ميراث والدي لمدة 30 عامًا ".
...................................................................................................
الخبر موجع ومحزن .. لما إمرأة يوصل بيها القهر والظلم إنها تتبع جنازة أخوها وتقيم الحجة
علىه وهو لسه داخل قبره .......... الستى دى لما يوصل بيها الحال انها تمشى ورا جنازة
تدعوا وتحتسب ... لازم نسأل نفسنا هى كانت عايشه إزاى وبتاكل منين وبتربى عيالها ازاى
........ وازاى إنها حرمت من حقها فى الميراث وده شرع ربنا .............
انت ساعتها بتيقى بين أمرين
مشفق على اللى داخل قبره عريان مستنى قضاه .. وساب كل اللى طمع فيه وراه لأولاده
.............. سبلهم نار تنهش فيه وفيهم
وبين إمرأة ظلمت وقهرت واستغاثت لم يجبها أحد فصرخت تطلب القصاص من الله
...............................................................................................................
لكن لك أن تتخيل كم المشايخ والعلماء اللى علقوا على الموضوع يخليك تتصدم
وتتأكد إن البعض عنده استعداد يبيع دينه لدنياه طمعا وتعدى وحب نفس وفى سبيل انه يرضى اسياده
لك أن تتخيل كل تعليقاتهم وردودهم كان منصفه للميت اللى حرم اخته من الميراث
ومحدش تكلم عن حرمة حرمانه لها من الميراث
محدش اتكلم على ان أيات الميراث نزلت مفصلة من السماء
ومش مسموح لحد يجتهد فيها حتى رسول الله نفسه
محدش اتكلم عن ان الحرمان من الميراث هو تبديل لأحكام الله
................................................................................................
فضلوا يتكلموا عن ان 80% من أهل النار نساء
وازاى هى تتبع الميت الى القبور
وحرمة زيارة المرأة للقبور
وجاءوا بأحاديث صحيحة ولكن بغير موضعها عن عذاب المرأة
وخروجها ودعاها على أخوها ..
وازاى رسول الله شاف النساء معلقات من شعرها يوم القيامة
وازاى تدعوا على واحد بين يدين الله وأخوها
..............................................................................................
تستغرب ازاى نقلوا المظلمة والقضية فى حتة تانية خالص ... وازاى ضلوا وأضلو ......
تستغرب ازاى وصل التغييب والتغريب والتجريف حتى فى عقول العلماء
تستغرب ازاى وصل بينا الحال إننا نضلل الناس وبإسم الدين
................................................................................................
للأسف
هو ده الحال المعكوس والمقلوب اللى بيحاول البعض الترويج ليه ارضاءا
للبعض ولو على حساب الدين